Nuhiu: Zyrtarët e LDK-së japin vlerësime kuturu

Gjilan – Nuhi Nuhiu, drejtor për financa shprehet i befasuar se si opozita bën kritika të tilla, pa e parë ende raportin financiar dhe as atë të auditimit. Nuhiu nuk pajtohet aspak me këto vlerësime dhe madje shprehet i habitur se si Maliqi mund t`i komentojë rrjedhat buxhetore, ende pa u dhënë raporti financiar për vitin 2012.

Akuzat e Zijadin Maliqit të KDK-së rreth buxhetit të vitit 2013, por edhe disa vërejtje për shpenzimet e parasë publike gjatë vitit 2012 i ka komentuar Nuhi Nuhiu drejtor për buxhet dhe financa.

Nuhi Nuhiu, drejtor për financa shprehet i befasuar se si opozita bën kritika të tilla, pa e parë ende raportin financiar dhe as atë të auditimit. Nuhiu nuk pajtohet aspak me këto vlerësime dhe madje shprehet i habitur se si Maliqi mund t`i komentojë rrjedhat buxhetore, ende pa u dhënë raporti financiar për vitin 2012.

Ndërkaq sa i përket buxhetit 2013, Nuhiu ka thënë se ekziston formula si ndahet buxheti për të gjitha komunat e Kosovës dhe aty nuk kemi çka diskutojmë. Ai ia sheh për të madhe Maliqit që bën komente të tilla pa u bazuar në fakte konkrete.

Ai nuk pajtohet se te investimet kapitale ka rënie, duke nënvizuar se te kjo kategori ka pasur rritje. “Nuk qëndron as konstatimi se në vitin 2013 nuk do të ketë asnjë investim të ri në asfaltimin e rrugëve” tha ai.

Nuhiu tha se me planifikim kemi paraparë mbi 3 milionë euro, të cilat shkojnë për infrastrukturë. Kurse sa i përket Rregullores për taksa, ai tha se kemi planifikuar të hyra aq sa mund të inkasojmë.

“Lirimi i bizneseve nga taksat komunale nuk do të reflektohet në të hyrat vetanake të vitit 2013, për arsye se bizneset kanë ende obligime të pakryera nga vitet e kaluara, të ciklet nuk u falen” mendon Nuhiu.

Maliqi bën komente edhe për auditimin, ndërsa nuk kemi ende as draft-raport e lere më raport përfundimtar. Të gjeturat mund të komentohen vetëm pasi të jenë bërë publike, thotë Nuhiu.

Nuk habitet pse LDK-ja nuk e ka votuar buxhetin 2013. “As nuk presim që opozita ta votojë buxhetin”, thotë Nuhiu./rajonipress/