Fundamenti

Nuhiu: Jemi të përgatitur për derbi

/ 1 minutë lexim

Gjilan – Në konferencën për media një ditë para derbit lokal, SC Gjilani- FC Drita, kryetrajneri i “bardhekalterëve”, Ardian Nuhiu, theksoi se pesha e derbit dihet dhe për këtë ka përgatitur skuadrën për të dhënë më shumë se maksimumin.

“Do ta trajtojmë me shumë përgjegjësi, sepse e dimë se çfarë do të thotë të fitohet derbi për qytetin dhe sa e veçantë është për tifozët. Jemi munduar të studiojmë ekipin kundërshtar dhe ta përgatisim skuadrën tonë, për çka jam i bindur se futbollistët janë të vetëdijshëm dhe do të bëjnë maksimumin për të dal fitues. Jemi të vetëdijshëm se kundërshtari ka cilësi, por ne duhet ta trajtojmë me shumë përgjegjësi dhe të japim më tepër se maksimumin, për çka motivi te skuadra ekziston dhe presim të shohim nesër”, ka thënë Nuhiu.

Fidanishtja

Derbi i qytetit të Gjilanit, në mes Gjilanit dhe Dritës zhvillohet të enjten nga ora 13:00./rajonipress/