Nuhiu: Gjilani është model për pasqyrat financiare

Gjilan – Pozita e lexon më ndryshe raportin e auditorit të përgjithshëm. Nuhi Nuhiu, drejtor për Buxhet dhe Financa, ka thënë se të hyrat vetanake dhe shpenzimet e periudhës 6-mujore, janë realizuar sipas planifikimit, duke nënvizuar faktin se shpenzimet janë në kufijtë e lejuar.

Nuhi Nuhiu nuk është pajtuar me vlerësimet e Zijadin Maliqit tek pjesa ku bëhen komentimet rreth raportit të auditorit për komunën e Gjilanit.

Nuhiu tha se pozita e lexon më ndryshe raportin e auditorit të përgjithshëm. Nuhi Nuhiu, drejtor për Buxhet dhe Financa, ka thënë se të hyrat vetanake dhe shpenzimet e periudhës 6-mujore, janë realizuar sipas planifikimit, duke nënvizuar faktin se shpenzimet janë në kufijtë e lejuar.

Sa u përket të hyrave vetanake, Nuhiu ka thënë se ka një rritje të dukshme te tatimi në pronë si dhe te disa kategori tjera, ndërsa është ruajtur stabiliteti te qiratë dhe të hyrat nga biznesi, ka thënë ai.

Ndërkaq, në lidhje me raportin e auditimit të përgjithshëm, Nuhiu ka thënë se raporti konstaton se Komuna e Gjilanit ka arritur progres në përmirësimin e ambientit të kontrollit të brendshëm, ndërsa vërejtje teknike ka pasur te tri pozicione,
ndër të cilat është edhe zotimi i mjeteve.

Përndryshe, Nuhiu ka thënë se komuna e Gjilanit është model për pasqyrat financiare duke dhënë kështu vlerësim krejt tjetër fare nga opozita../rajonipress/