Nuhiu flet si futbollist i Altach: Shpresoj të kthehem në nivelin tim të lartë
RajoniPress
23:35, 30 Qershor, 2021
Atdhe Nuhiu, sulmuesi kosovar ka firmosur kontratë dy-vjeçare me skuadrën nga Austria, SCR Altach.
Nuhiu u largua nga klubi qipriot, APOEL – pas një sezoni tejet të dështuar, shkruan IndeksOnline
Këtë e pranon edhe vet futbollisti gjatë intervistës së parë si lojtar i klubit austriak.
“Pas një viti jo aq të lehtë në Qipro, unë dua të kthehem në nivelin tim më të lartë sa më shpejt që të jetë e mundur dhe t’i ndihmoj klubit me golat e mia. Pas diskutimit që pata me Damir Canadi dhe Werner Grabherr, shpejt u bë e qartë për mua se projekti i Altach ishte shumë emocionues dhe se pranova të jem pjesë e këtij ekipi”, ka deklaruar Nuhiu
Kujtojmë që Nuhiu karrierën më të mirë si futbollist e pati te skuadra angleze nga Championship, Sheffield Wed. – ku shënoi 50 gola në 242 paraqitje.
Sulmuesi shtatlartë (1.96m) së fundmi e zyrtarizoi largimin nga Kombëtarja e Kosovës./IndeksOnline/
