Nuhiu: Do të luftojmë deri në fund të kampionatit

Trajneri i skuadrës së Dritës, Ardian Nuhiu, e ka vlerësuar kampionatin shumë të vështirë, por ka thënë se deri në fund të kampionatit janë edhe nëntë finale për t’u zhvilluar.

Drita fitoi të shtunën në udhëtim te Ulpiana me rezultatin 3:2. “Më gëzon fakti që nuk u dorëzuam për asnjë moment. Më vjen mirë për një vazhdimësi të rezultateve pozitive. Deri në fund të kampionatit do t’i kemi edhe nëntë finale dhe do t’i marrim një nga një. Normal që neve na intereson edhe se çfarë bëjnë kundërshtarët tanë, por fillimisht i shikojmë takimet tona e më pas të tjerët”, ka thënë Nuhiu pas ndeshjes.