Nuhiu: Askush s’e ka imagjinuar se mund ta shohin Kosovën, duke luajtur në eliminatore

Sulmuesi i Kosovës foli për dy ndeshjet që do t’i zhvillojë kombëtarja jonë.

“Vetëm të luash për Kosovën nuk është njësoj si të luash për ndonjë ekip kombëtar, është shumë më shumë. Ju i dini gjërat se si njerëzit kanë vuajtur këtu. Askush s’e ka imagjinuar se mund ta shohin Kosovën, duke luajtur në eliminatore”, u shpreh fillimisht Atdhe Nuhiu.

Pa dyshim, ndeshja kryesore e këtij muaji zhvillohet kundër Anglisë në stadiumin e Southamptonit “St Mary’s Stadium” dhe jo në “Wembley” aty ku “tre luanët” zakonisht luajnë.

Nuhiu thotë se dëshira ishte të luanin në “Wembley”, megjithatë shton se mezi presin ndeshjen në fjalë.

“Është paksa “pikëlluese” që nuk luajmë në “Wembley”. Megjithatë, mezi jemi duke pritur për këtë ndeshje”, shtoi Nuhiu