Nuhiu: Askush nuk mund ta ndryshojë pasionin tim për këtë klub, e dua shumë Sheffield Wednesdayn

Sulmuesi kosovar, Atdhe Nuhiu, pritet të largohet nga Sheffield Wednesday si lojtar i lirë pas skadimit të kontratës gjatë kësaj vere, transmeton “Zeri.info”.

Nuhiu ka shprehur dashurinë e tij për klubin anglez, ku ka luajtur që 7 vjet.

“Nuk jam penduar për asnjë minutë të kohës sime këtu. Nuk ka qenë gjithmonë pozitive, por kam qenë pjesë e këtij klubi për një kohë të gjatë”, ka thënë Nuhiu.

“Unë provoj që t’i shpaguaj të gjithë për mundësit që kam pasur çdo ditë në stërvitje dhe çdo herë që kam shkelur në fushë. Pavarësisht çka thotë dikush tjetër, ajo që askush nuk mund ta ndryshojë është zemra ime dhe pasioni im për klubin. E dua shumë Sheffield Wednesdayn. Kjo është një gjë që askush s’mund ta beljë dhe është një gjë që askush nuk mund ta marrë nga unë. Ky është klubi im”, u shpreh ai./Zëri