Nottingham Forest synon goditjen e madhe me transferimin e Armando Brojës

/ 1 minutë lexim

Sulmuesi shqiptar i Chelseat, Armando Broja, është cak i interesimit nga skuadra e sapo promovuar në Ligën Premier, Nottingham Forest.

Nottingham Forest i sapo promovuar po shikon mundësinë e përforcimeve të skuadrës, pasi tani niveli i lojës është shumë më i lartë sesa në Championship.

Kështu, dy herë fituesit e Ligës së Kampionëve kanë etiketuar sulmuesin shqiptar, Armando Broja, të cilin synojnë ta transferojnë në verë.

Talenti i Chelseat e kaloi sezonin e kaluar në huazim te Southamptoni – duke shënuar gjashtë herë në 32 ndeshje të Ligës Premier.

KKGJILAN

Akoma vetëm 20-vjeç, reprezentuesi shqiptar ka impresionuar dhe është lidhur edhe me West Hamin dhe Newcastle United javët e fundit.

Interesim për Brojën kanë shfaqur edhe Evertoni dhe Napoli në Serie A.

Sipas Nottingham Post, klubi i sapo promovuar dëshiron vetëm një marrëveshje e përhershme, pasi nuk ka gjasa që Steve Cooper të shikojë një lëvizje të mundshme huazimi për sulmuesin.

Çmimi i Brojës vlerësohet të jetë rreth 25-30 milionë eurosh. /Telegrafi/