Notat e lojtarëve: Crystal Palace 3-0 Arsenal, Xhaka me paraqitjen më të mirë te Topçinjtë

Crystal Palace ka regjistruar fitore bindëse përballë Arsenalit në Selhurst Park duke ia shënuar tre gola dhe duke mos pranuar asnjë.

Nuk ka dyshim se ekipi nikoqir ka marrë notë mesatare më të lartë, duke qenë se ka bërë paraqitje triumfuese.

Asistuesi i dyfishtë, Joachim Andersen, ka marrë notën më të lartë në takim, i ndjekur nga golashënuesit Jordan Ayew e Wilfried Zaha.

Granit Xhaka ka marrë notën më të lartë nga formacioni startues i skuadrës mysafire që përgjithësisht kanë marrë nota të ulëta. Thomas Partey e Martin Odegaard kanë marrë vlerësimet më të ulëta në ndeshje.

SofaScore e ka bërë vlerësimin e plotë të lojtarëve të të dyja skuadrave në ndeshjen Crystal Palace 3-0 Arsenal. /Telegrafi/