Norvegjia e interesuar të bashkëpunojë në fusha të ndryshme me autoritetet në Kamenicë

Kamenicë – Ambasadori i Norvegjisë në Kosovë Per Strand Sjaastad, ka vizituar Komunën e Kamenicës, ku kryetari i saj, Qëndron Kastrati bashkë me nënkryetarin për komunitete Bojan Stamenkoviç, e kanë pritur atë derisa kanë biseduar për shumë fusha të bashkëpunimit.

Në këtë takim është diskutuar për përkrahje nga ambasada norvegjeze dhe mundësitë e bashkëpunimit në fusha të ndryshme.

Kreu i komunës tha se është jashtëzakonisht mirënjohës ndaj shtetit të Norvegjisë.
“U jemi mirënjohës shtetit të Norvegjisë, për të gjithë mbështetjen që i ka dhënë Kosovës, në periudhat e zhvillimit”, u shpreh ai.

Ndërsa ambasadori Për Strand Sjaastad shprehi gatishmërinë për mbështetje të vazhdueshme në të gjitha aspektet./rajonipress/