Nora Istrefi, Moza dhe Skivi gati për një super Hit

Është paraljamëruar se një super-hit pritet të pushtojë tregun muzikor, që do ta sjellë treshja e këngëtarëve Nora Istrefi, Mimoza Shkodra dhe reperi Skivi.

Ish-lideri i grupit “Skillz”, Skivi, Nora Istrefi dhe Mimoza Shkodra, janë treshja e përsosur për një duet të “paparë”. Kënga që po pritet me kërshëri nga fansat e tre këngëtarëve, do të lançohet ditën e shtunë, më 8 shkurt.

Fansat e reperit Skivi janë entuziazmuar shumë për rikthimin e tij në muzikë, pas ndarjes së grupit “Skillz”, ku të dy këngëtarët po zhvillojnë karrierën e tyre Solo.

Pjesëtari tjetër i grupit, Ledri Vula sapo është rikthyer në tregun muzikor me këngën me titull “100 probleme”, ku këngën e zbukuron akoma dhe më shumë prania e modeles shqiptare me famë botërore Angela Martini.