Nora Istrefi: I jemi je tash

Ndonëse shumë vjet bashkë, duket se tani këngëtarja e njohur Nora Istrefi e ndjen se bashkëshorti i saj Robert Berisha është tamam i saji. Kjo duke u bazuar në një mbishkrim të këngëtares në faqen e saj zyrtare në rrjetin social ‘facebook’, ku karshi këngës së saj të suksesshme ‘I jemi je’ të cilën Nora na e paraqiti në festivalin ‘Kënga Magjike’, ajo ka shkruar ‘I jemi je tash’.

E kjo nuk ka mbetur pa u vërejtur nga fansat e saj të shumtë të cilët ende vazhdojë të urojnë të pëlqyerën e tyre. Ndërkaq martesa e saj mund të konsiderohet si ngjarja më e përfolur e këtij sezoni, pasi që ditë me radhë Nora e Roberti kanë zënë ballinat e janë përfolur në mënyra të ndryshme nëpër portalet tona.