Nju Jorku, me rënie rekorde të numrit të vrasjeve

Janë vrarë 414 njerëz. Ky numër paraqet një rënie rekorde të numrit të vrasjeve, që nga viti 1963, kur ka filluar të mbahet statistika përkatëse

Gjatë vitit që po mbaron, në Nju Jork janë vrarë 414 njerëz. Ky numër paraqet një rënie rekorde të numrit të vrasjeve, që nga viti 1963, kur ka filluar të mbahet statistika përkatëse. Ky rekord është një lajm suksesi për kryebashkiakun e metropolit amerikan, Michael Bloomberg.

Sa për krahasim, në vitin 2011 në Nju Jork janë vrarë 515 veta, që, përkthyer në përqindje i bie se në vitin pasues ka pasur një rënie prej 20 për qind në numrin e vrasjeve. Rekordi i deritashëm për numër të ulët vrasjesh ka qenë ai i vitit 2009, kur qenë regjistruar “vetëm” 471 vrasje.

Ndërkaq, një rekord të palavdishëm, atë të numrit më të madh të vrasjeve, Nju Jorku e ka shënuar në vitin 1990, me 2262 vrasje.

Gjatë vitit 2012 në Nju Jork është shënuar rënie edhe e grabitjeve të dhunshme.(albinfo)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).