Njomza Dërmaku braktisë LDK, rrugëton e pavarur në Asamblenë Komunale të Kamenicës

Kamenicë – Të nderuar qytetarë! Të nderuar anëtarë/e, përkrahës e simpatizant tw mi. Po ju drejtohem me ketë deklarate duke treguar arsyetimet e mija të largimit tim nga dega e LDK-së në Kamenicë.

Postimi i plotë

Kam hyrë në LDK për të punuar me aq sa mundem dhe dijë, jo për tu neglizhuar dhe për tu nënvlerësuar. Jam mirëpritur jashtëzakonisht mirë nga një pjesë e kryesisë dhe kam gjetur mbështetje, mirëpo më e keqja është kur disa punojnë pas shpine e shtiren “tolerant”.

Sido që të jetë, vota e qytetarit është matësi më i mirë dhe më i saktë për një kandidat/e! Ju falënderoj për bashkëpunimin që kemi pasur deri më tani. Kam pritur tash e sa kohë se po thirremi në një takim nga kryetari mirëpo ajo nuk ka ndodhur.

Ndjej obligim të ju njoftoj se nga sot jap dorëheqje nga të gjitha pozitat brenda LDK-së në Kamenicë! Nuk dua të jem në mesin e këtyre dështimeve duke e kuptuar se: “Me punue mirë e drejt dëmtohesh, me dashtë me e zhvillu një aktivitet pengohesh (se po fiton poena politik me shumë e vaj halli), mendimi ndryshe nuk lejohet në LDK, partia personalizohet nga 2-3 persona dhe të gjitha privilegjet shpërndahen në ata persona, injorim total në gjininë femërore si me qenë në kohën e gurit, gjërat e servuara me ardhë në kryesi veç sa për sy e faqe me ngrit dorën se ( pune e kryme) .

Nuk është mirë mos me ju përmbajt premtimeve të vogla, por që luajnë rol të madh në besën e njeriut. Lideri i vërtet nuk ndikohet nga persona të caktuar e me ia ruajt “hunt” se po idhnohen e me dhanë krejt partien për ata 2-3 persona! Dhe shumë të pathëna këtu që s`jan të nevojshme me ju lodhë me lexue e që unë i konsideroj edhe të turpshme me i përmend.

I nderuari kryetar uroj të jesh vetvetja kur është puna te kryetarja e FG se kogja komplikim i vazhdueshëm po më doket… ndoshta për nga natyra femrat janë më të komplikuara a s`di!!! E për mos me qen edhe më tutje “argat”, e në respekt të plotë të votuesve të mi, dhe gjithsesi me premtim absolut se pa u ndalur do të synoj objektivat që kam parashtruar bashkë me ta, kam vendosur që tash e tutje në Kuvendin komunal do të veproj si kandidate e pavarur. E kuptoj se shume njerëz nuk munden me qene dakord me mua por, unë besoj se është gjëja me e duhur që duhet bërë! /rajonipress/

Me respekt, Njomza Dermaku, kryetare e Forumit të Gruas së LDK-së në Kamenicë, anëtare e kryesisë së degës dhe delegate e kuvendit komunal.