Njohuritë e fituara gjatë studimeve në UBT po i aplikoj në kompaninë “FLUIDI”

Prishtinë – Veprim Mustafa thotë se pas përfundimit të studimeve Bachelor në Fakultetin e Mekatronikës në UBT, menjëherë ka filluar studimet Master, dhe për fat të mirë është punësuar ndër kompanitë më prestigjioze në vend “FLUIDI”.Do të jem mirënjohës kundrejt UBT –së për tërë jetën thotë Mustafa.

“Njohuritë e fituara gjatë studimeve po më shërbejnë në punë, pasi të gjitha punët që i kryej në fabrikë janë të ndërlidhura me literaturën dhe me praktikën, të cilën e kemi bërë dhe fituar gjatë studimeve në UBT ” ka thënë zoti Mustafa për revistën “Alumni UBT”.

Ai me tej shton se stafi akademik i UBT-së e zotëron lëndën që e ligjëron, dhe njohuritë e tyre janë shumë efikase dhe të aplikueshme gjatë periudhës së mëtejshme të jetës tonë. Do të jem mirënjohës kundrejt UBT –së për tërë jetën.

Veprim Mustafa, shkollimin e mesëm e ka përfunduar në Kolegjin “Mehmet Akif” në Prishtinë, kurse në UBT, në Fakultetin e Mekatronikës, diplomon me temën “Four wheel robot with robotic arm and intelligent system”.

Mekatronikën për herë të parë në Republikën e Kosovës e ka sjellë UBT në bashkëpunim me Institutit për Udhëheqje dhe për Robotikë (IHRT) në Universitetin e Vjenës për Teknologji, Universitetin e Waterfordit për Teknologji (ISOL), Irlandë, me Laboratorin për Robotik dhe Mekatronik (LARM-UNIGAS), si dhe Universitetin e Cassinos në Itali.

Intervistën e plotë mund ta në lexoni numrin e ardhshëm të revistën “Alumni UBT”./rajonipress/