Njihuni me gruan, për të cilën dha dorëheqje shefi i CIA-s

David Petraeus të premten dha dorëheqje nga posti i drejtorit të agjencisë informative amerikane CIA. Ai pranoi se paraqet dorëheqjen për shkak të tradhtisë, respektivisht për shkak se ka mashtruar gruan e tij, me të cilin ishte tash 37 vjet në martesë.

Mediave amerikane nuk iu është dashur shumë kohë për të zbuluar identitetin e dashnores së Petraeus-it. Bëhet fjalë për gazetaren 38-vjeçare Paula Broadwell, kolumniste e New York Times dhe Boston Globe, si dhe autore e biografisë së Petraeus. Broadwell gjithashtu ka një bashkëshort, të cilin e ka tradhtuar me Petraeus-in.

Pas tij shkoi në Afganistan

Me qëllim për të shkruar librin me titull “All In: The Education of General David Petraeus” ( Të gjitha: Arsimimi i gjeneralit David Petraeus) Paula kishte kaluar një kohë të gjatë me kreun e CIA-s. Ajo ishte me të edhe në teren, gjatë udhëtimeve të Petraeus-it në Afganistan.

Pas u botua doli, Broadwell e promovoi atë në disa intervista televizive. Pyetja e parë të cilën asaj ia bëri Jon Stewart, udhëheqës i The Daily Show, ishte se si i ishte lejuar asaj të kalonte aq shumë kohë me kreun e CIA-s.
“Kam punuar në këtë temë për disertacion tim. Kur Petraeus shkoi në Afganistan në vitin 2010, vendosa për ta kthyer në libër disertacionin. I dërgova një e-mail, në të cilin ia shpjegova idenë time. Nuk isha e sigurt se e kishte marrë seriozisht, por kur u shfaqa në Afganistan, ai ra dakord”, ka shpjeguar Broadwell.

FBI i pari zbuloi aferën

Hetimi i aferës së saj drejtorin e CIA-s tani është nën hetimin e FBI-së. Hetuesit janë duke u përpjekur të zbulojnë nëse Broadwell si dashnore e Petraeus-it kishte qasje në dokumente sekrete. Gjithashtu po hetohet mundësia nëse dikush do ta ketë shantazhuar Petraeus-in për shkak të kësaj afere.

Sipas asaj që transmeton Washington Post, ishin pikërisht agjentët e FBI-së që të parët kishin “nuhatur” aferën e dashurisë së Petraeus-it, në kuadër të një hetimi për ndërhyrje në sistemin e sigurisë së CIA-s. Janë hulumtuar, ndër të tjera, edhe e-mail porositë e Petraeus-it dhe kështu u zbulua lidhja e drejtorit të CIA-s me gazetaren Broadwell. /Telegrafi/