Gjilan – Sot një vit ndodhi fatkeqësia më e madhe në jetën time dhe familjen tonë, ku mora lajmin se humba njeriun më të dashur, mikun, shokun, të madhin Babën Ismet. Ishte njeriu më i fortë, më krenar, më i dashur, më fisnik, më i mençur dhe më i drejti që kisha njohur. I bekuar kisha qenë nga momenti që kisha lindur sepse jam djali tij ka shkruar djali i tij Gentian Ukshini.
“Sot një vit ndodhi fatkeqësia më e madhe në jetën time dhe familjen tonë. Ku mora lajmin se humba njeriun më të dashur, mikun, shokun, të madhin Babën Ismet. Ishte njeriu më i fortë, më krenar, më i dashur, më fisnik, më i mençur dhe më i drejti që kisha njohur. I bekuar kisha qenë nga momenti që kisha lindur sepse jam djali tij. Mungesa e tij as edhe një moment nuk largohet dhe se malli për babin sa vjen e shtohet. Kujtimet me babin janë momentet më të lumtura të jetës time. Prandaj, me të drejtë thonë se njeriu largohet vetëm fizikisht nga kjo botë, sepse ata jetojnë përgjithmonë në zemrat dhe kujtimet tona. Krenohem me babain që pata. Fjalët e mësimet tua janë një udhërrëfyes për mua. Qoftë i përjetshëm kujtimi për ty Baba Ismet” ka shkruar djali i tij Gentian Ukshini.
Ndryshe, Ismet Ukshini ish prokuror dhe kryeprokuror shumëvjeçar në Gjilan është ndarë nga jeta më 18 korrik 2020. Ismet Ukshini ishte njëri nga prokurorët më të guximshëm dhe më profesional në fushën e drejtësisë. Humbja e tij është humbja e madhe për drejtësinë kosovare, aq më parë që Ismet Ukshini kishte kryer disa trajnime në Amerikë e gjetiu.
Ismet Ukshini ndryshe ishte shtylla kryesore në Gjilan dhe për shumë vite ishte në ballë të luftës kundër krimit të organizuar e korrupsionit. Ishte debatues i ashpër dhe i pa kompromis për të vënë drejtësinë në vend.
Ismet Ukshini ishte edhe njëri nga hartuesit e Dosjes së krimeve për Anamoravë. Humbja e tij ishte humbje e madhe për gjithë sistemin prokuroria në Kosovë./rajonipress/
