Një shtyllë elektrike e rrezikshme për qytetarët tanë…!

Gjilan – Aty afër kafiterisë, “Natyra” e më parë ky vend është quajtur “Llovac”, që gjendet afër Hallës Sportive të qytetit, Rruga e Kumanovës, ngre shtat një shtyllë elektrike e rrezikshme për qytetarët tanë. Askujt nuk i shkon mendja, se telat e rrymës, të cilët shihen dhe se janë të dalur përgjysmë jashtë shtyllës, e kanë hapur gojën dhe janë të pështjellur pak me një thes të thjeshtë, që paraqesin rrezik për qytetarët tanë, Gjilanit.

Pse jo? Kapaku i shtyllës është hequr nga dora e njeriut, i cili kapak i ka lënë telat të duken lirshëm në shtyllën e rrymës që paraqesin rrezik për njerëzit tanë.
Kjo “gjendje” e tillë paraqet rrezik për qytetarët tanë, sepse, duke lëvizur aty afër, sidomos fëmijët, do të jenë të rrezikuar për jetë. Këtë “veprim” jo të mirë e ka bërë ndokush prej atyre që dalin e “pushojnë” në kohë nate, të cilët, sa herë u nevojitet errësira, e shkyçin rrymën për “relaksim” kohe e pune.

Pra, këtu ka prekur dora e njeriut, i cili nuk e ka menduar se në këtu frekuentojnë jo vetëm qytetarë të moshave të ndryshme, por aty frekuentojnë edhe fëmijët të vegjël. Bile, ditë më parë, mu në këtë vend, mbi 200 fëmijë me edukatoret e tyre, kanë pushuar e luajtur gjer vonë nën hijet e pemëve që gjenden afër kësaj shtylle me rrezik jete.

Prandaj, para se të ngjan diçka e papritur, është mirë që punëtorët e KEK-ut të intervenojnë dhe ta sanojnë gjendjen e tillë me rrezik. Qytetarë, më mirë të intervenohet me kohë, sa nuk është bërë vonë. Kur e pëson njeri, atëherë mos u ankoni. Pra, ja qytetarë ku është rreziku te kjo shtyllë elektrike, e cila është “roja” e ditës dhe e natës./tefik selimi/rajonipress/