Një person ndalohet për 48 orë në Gjilan, dyshohet për veprën penale “Lëndim i lehtë trupor”

Gjilan – Prokuroria Themelore në Gjilan ka bërë të ditur se gjatë 24 orëve të fundit, me urdhër të prokurorit kujdestar, është ndaluar një person në kohëzgjatje prej 48 orësh, nën dyshimin për kryerjen e veprës penale “Lëndim i lehtë trupor”.

Sipas njoftimit të Prokurorisë, masa e ndalimit është shqiptuar në kuadër të veprimeve hetimore që po zhvillohen për zbardhjen e rrethanave të rastit.

I dyshuari po hetohet për veprën penale “Lëndimi i lehtë trupor”, e paraparë dhe e sanksionuar me nenin 185 të Kodit Penal të Republikës së Kosovës.

Prokuroria Themelore në Gjilan ka theksuar se do të vazhdojë ndërmarrjen e veprimeve të nevojshme procedurale dhe hetimore në koordinim me organet e rendit, me qëllim të ndriçimit të plotë të rastit dhe sigurimit të provave relevante për procedurat e mëtejshme ligjore./rajonipress/