Një muaj paraburgim për Stamenkoviqin

Gjilan – Gjykatësi i procedurës paraprake në Gjykatën Themelore të Gjilanit, Hasan Sadiku i ka caktuar masën e paraburgimit prej një muaji Sasha Stamenkoviqit nga Leskovci i Serbisë për veprën penale “dhënia e ryshfetit”.

Gjykata Themelore në Gjilan pasi ka mbajtur seancën dëgjimore në rastin e Sasha Stamenkoviqit (1974) nga Leskoci i Serbisë i ka caktuar masën e paraburgimit prej një muaji.

Gjykatësi i procedurës paraprake në Gjykatën Themelore të Gjilanit, Hasan Sadiku tha për rajonipress se Sasha Stamenkoviqit i ka caktuar masën e paraburgimit prej një muaji.”Ne e kemi dëgjuar Stamenkoviqin, por edhe provat e prokurorisë dhe ekziston dyshimi i bazuar se Stamenkoviq ka kryer veprën penale” tha Sadiku.

Ndryshe, Sasha Stamenkoviq u arrestua të mërkurën nga policia në pikën kufitare “Dheu i Bardh”pasi që i njëjti në prezantim të dokumenteve i ka ofruar policit mito 10 €./rajonipress/