Një muaj paraburgim për hajnin që terrorizoj me armë e plaçkiti në disa fshatra të Gjilanit

Gjilan – Një gjyqtar i procedurës paraprake të Departamentit Krimeve të Rënda të Gjykatës Themelore në Gjilan, sipas kërkesës së Prokurorisë Themelore në Gjilan, ka urdhëruar mbajtjen në paraburgim për të pandehurin N.B., në kohëzgjatje prej 1 (një) muaji. Dyshohet se i pandehuri ka kryer vjedhje grabitqare në disa shtëpi të fshatrave të Komunës së Gjilanit, duke i kanosur edhe me armë zjarri të dëmtuarit.

I pandehuri N.B., shqiptar, shtetas i Republikës së Kosovës, nga fshati Surqin e Ferizajt dyshohet se ka kryer veprat penale, vjedhje grabitqare dhe vjedhje grabitqare në tentativë.

Dyshohet se i pandehuri ka kryer vjedhje grabitqare në disa shtëpi të fshatrave të Komunës së Gjilanit, duke i kanosur edhe me armë zjarri të dëmtuarit.

N. B. në paraburgim do të qëndroj nga data 05.05.2015 deri më datë 04.06.2015.

I pandehuri në procedurë penale gëzon të drejtën e kontestimit të urdhrit për paraburgim të nxjerrë nga gjyqtari i procedurës paraprake./rajonipress/