Një muaj arrest shtëpiak për Labinot Latifin
RajoniPress
17:40, 5 Shtator, 2025
| 9 muaj më parë
Gjilan – Ju njoftojmë se me datë 27.08.2025, Prokuroria Themelore në Gjilan, ka paraqitur kërkesë për caktimin e arrestit shtëpiak ndaj të pandehurit Labinot Latifi, shef i kabinetit të Alban Hysenit, pasi që dyshohet se ka kryer veprën penale lëndim i lehtë trupor nga neni 185 paragrafi 3, nën paragrafi 3.1 lidhur me paragrafin 1, nën paragrafi 1.4 të Kodit Penal të Republikës së Kosovës (KPRK).
Gjyqtari i procedurës paraprake, pas mbajtjes së seancës me datë 28.08.2025, ka nxjerrë aktvendim duke aprovuar kërkesën e prokurorisë për caktimin e masës së arrestit shtëpiak deri më datë 25.09.2025.
Palët kanë të drejtën e ankesës ndaj këtij aktvendimi në Gjykatën e Apelit ka thënë Sabit Shkodra në një përgjigje për rajonipress.
