Një marrëveshje më shumë se ekonomike…

Mirëpresim Marrëveshjen ekonomike midis dy shteteve: Kosovës dhe Serbisë në Uashington, përballë presidentit më të fuqishëm në botë Donald Trump-it.

Kjo marrëveshje historike, vendosë themelet e një bashkëpunimi ndëretnik, e sidomos zbutë tensionet në këtë rajon. Është e mirëpritur edhe në rajonin e Luginës së Preshevës, meqë shqiptarët e sidomos studentët përfitojnë nga kjo marrëveshje njohjen e diplomave të Kosovës, që i siguron atyre një të ardhme për punësim dhe integrim.

Koordinatori i Shoqërisë Civile, Nexhmedin Saqipi i tha Jetapressit, se Amerika gjithmonë iu është gjetur përkrahë shqiptarëve në rrugën për liri dhe pavarësi, prandaj çdo marrëveshje që arrihet në prani të amerikanëve duhet përshëndetur dhe përkrahur parezervë.

“Shqiptarët dhe serbët si dy popuj fqinjë janë të detyruar të jetojnë njëri pranë tjetrit, dhe një zhvillim ekonomik i largon ata nga skamja dhe mendësia nacionaliste. Prandaj, një marrëveshje e tillë nuk duhet kontestuar ngase nuk i kontribuon paqes, stabilitetit dhe mirëqenies ndërnjerëzore, ndërshtetërore dhe ndërajonale”, thotë Saqipi, njofton Jetapress.