Një lule mars – prilli

Poezi nga Ruzhdi Kqiku

Në prag të beharit
në më të bukurën stinë
një lule të posa çelur
për tokë seç e shtrinë

Atë lule mars-prilli
e goditën si rrufeja
zogjt e stimfalit
që erdhën nga andeja

Erdhën si tajfuni
përmbi lule ranë
ata ishin korba
të zezës satanë

Lule mars-prilli
në shpirt u plagos
por megjithatë
ajo s’u plandos

Dhe tani rritet
por me vështirësi
se në shtat i rrin
një gjarpër i zi

I është mbështjellur
sa fort e shtrëngon
vrerin mu në zemër
do që t’ja lëshon

Mundohet satana
porse e ka kot
se lulëja e uritur me gjak
s’do të zhduket dot.

Mars-prill 1991

Ruzhdi Kqiku