Një i mitur therret me thikë në Kamenicë, sherri i facebook-it

Gjilan – Policia e Kosovës është njoftuar nga QKMF e Kamenicës për një rast ku një person /i mitur është therur me një mjetë të mprehtë. Viktima, pas një mosmarrëveshje që ka pasur me të dyshuarin po ashtu i mitur, që të dy me banim në Kamenicë, nëpërmjet rrjetit social “Facebook” të njëjtit janë takuar më pastaj në lagjen “Malësia” dhe për një moment i dyshuari e ka goditur, besohet me brisk viktimën tri herë në pjesën e epërme të kraharorit dhe është larguar nga vendi i ngjarjes.

Viktima ka kërkuar ndihmë në Emergjencën e Gjilanit dhe pas trajtimit mjekësorë i njëjti është liruar në shtëpi dhe në bazë të raportit mjekësorë viktima nuk ka pësuar lëndime serioze dhe konsiderohen si të lehta njoftoj Ismet Hashani.

Patrulla ka arritur ta identifikoj të dyshuarin i cili është arrestuar. Me urdhër të prokurorit rasti kualifikohet si “Vrasje në tentativë” dhe të dyshuarit i caktohet masa e ndalimit në kohëzgjatje prej 24 orëve.

Vlen të ceket se janë konfiskuar dy mjete të mprehta (briskui) dhe një shufër metalike.

Rasti në prokurori./rajonipress/