Një delegacion nga Universiteti “Aleksandër Moisiu” vizitoi UBT-në

Një delegacion i Universitetit “Aleksandër Moisiu”, në Durrës, i përbërë nga dekanja Fakultetit të Teknologjisë së Informacionit, dr Lindita Mukli, koordinatorja e projektit, dr Albana Halili dhe lektorja Aida Bitri, vizituan UBT-në, me ç’rast u pritën nga rektori i UBT-së, dr Edmond Hajrizi dhe përfaqësuesi i Zyrës së Projekteve, Naim Preniqi.

Vizita u realizua në kuadër të projektit “Zhvillimi dhe Implementimi i Multimedias dhe Televizionit Digjital” (DIMTV), i financuar dhe mbështetur nga programi Erasmusë, teksa në fokus të takimit ishte progresi i arritur në kuadër të jetësimit të projektit, si dhe përkushtimi i UBT-së që projektet e kësaj natyre të implementohen në tërësi.

Përpos bashkëbisedimit për projektin në fjalë, po ashtu u diskutua edhe për mundësinë e shkëmbimit të ideve dhe mundësitë e tjera të bashkëpunimit në fushën e edukimit.

Rikujtojmë se qëllimi bazë i projektit “DIMTV” është zhvillimi i programeve dhe moduleve të reja në fushën e multimedias dhe televizionit digjital, për të adresuar nevojat e ngritjes së kapaciteteve të reja në nivel të ekspertëve të kësaj fushe.

Falë këtij projekti, UBT do të pajiset me një laborator të dedikuar enkas për fushën e multimedias, i cili do të themelohet gjatë vitit akademik 2018-2019./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).