Një broshurë për temën e emigrantëve të pakualifikuar në Zvicër

Kryqi i Kuq Zviceran ka publikuar një broshurë për temën e emigrantëve të pakualifikuar në Zvicër. Kjo broshurë bazohet në një kërkim të literaturës dhe në intervista me trembëdhjetë emigrantë, të cilët kanë përjetuar një rënie të zhvillimit të punës për shkak të migrimit.

Publikimi shqyrton shkaqet dhe pasojat e këtij fenomeni, si dhe burimet dhe strategjitë e përdorura nga personat e prekur për t’i përballuar. Ajo gjithashtu propozon, bazuar në rezultatet e intervistave, këshilla dhe sugjerime rreth mënyrave për të luftuar pengesat institucionale dhe sociale me të cilat përballen emigrantët e përfshirë me qëllim promovimin e integrimit të tyre.

Broshura është realizuar për specialistë/ekspertë të politikës dhe ekonomisë, për specialistët e fushës të integrimit, të punës dhe trajnimit. Por gjithashtu kjo broshurë mund të përdoret edhe nga vetë emigrantët e pakualifikuar ose nga të gjithë ata që duan të dinë më shumë rreth kësaj.

Botimi në fjalë mund të shkarkohet falas ose të porositet në formë letre (19 CHF – + koston e dërgesës.) në www.redcross.ch . Ajo është tani në dispozicion në gjermanisht dhe frëngjisht.