Nitsch: KFOR-i dhe EULEX-i në rendin e tretë, policia e Kosovës efikase

Gjilan – Nënkoloneli Heinz Nitsch, zëvendës komandant i KFOR-it në Brigadën Shumëkombëshe të Jugut ka thënë se një mjedis i sigurt dhe i qetë është diçka që duhet të ju ofrohet qytetarëve të Kosovës. Ai ka thënë se Institucionet e Sigurisë në Kosovë dukshëm janë zhvilluar, që do të thotë se krahas të kaluarës kur fillimisht për ofrim të sigurisë është thirrur KFOR-i, tani këtë punë e kryejnë organet e sigurisë së Kosovës, pastaj EULEX-i kurse KFOR-i është në rendin e tretë.

Në Universitetin “Kadri Zeka” në Gjilan, në kuadër të programit “Guest Speaker” përfaqësuesit e KFOR-it mbajtën një prezantim lidhur me prezencën e KFOR-it në Republikën e Kosovës, fushëveprimin në aspektin e sigurisë, bashkëpunimin me popullin e Kosovës si dhe funksionimin e institucioneve shtetërore të Kosovës, veçanërisht ato të sigurisë.

Nënkoloneli Heinz Nitsch, zëvendës komandant i KFOR-it në Brigadën Shumëkombëshe të Jugut ka thënë se një mjedis i sigurt dhe i qetë është diçka që duhet të ju ofrohet qytetarëve të Kosovës.

Ai ka thënë se Institucionet e Sigurisë në Kosovë dukshëm janë zhvilluar, që do të thotë se krahas të kaluarës kur fillimisht për ofrim të sigurisë është thirrur KFOR-i, tani këtë punë e kryejnë organet e sigurisë së Kosovës, pastaj EULEX-i kurse KFOR-i është në rendin e tretë.

Në ndërkohë nënkoloneli Heinz Nitsch e ka vlerësuar situatën e qetë dhe të mirë që po mbretëron në komunën Gjilanit./rajonipress/