“Nisma për Kosovë” kthehet në Kuvend, vetëm nëse ndodh kjo gjë!

Paralajmërimin e Presidentit të Kosovës, Hashim Thaçit, se brenda 10 ditëve do të bëhet ratifikimi i marrëveshjes për demarkacionin e kufirit ndërmjet Kosovës dhe Malit të Zi, është cilësuar i pasuksesshëm nga “Nisma për Kosovë”.

Sekretari i kësaj partie, Bilall Sherifi në një prononcim për Gazetën Blic në lidhje me paralajmërimin e fundit të Thaçit për çështjen e Demarkacionit, ka thënë se deputetët “Nisma për Kosovë” do të jenë në Kuvend në rast se ndodh ajo çfarë ka thënë presidenti, por sipas tij, gjasat nuk janë që ajo të ndodh, raporton gazetablic.com

“Që nga momenti kur Thaçi ka thënë se demarkacioni do të vijë në Kuvend brenda 10 ditëve kanë kaluar 6 ditë. Besoj se do të kalojnë edhe 4 tjera dhe nuk do ta sjellin fare në Kuvend për ratifikim”, tha Sherifi, i cili më pas shtoi se “nëse ata vendosin ta sjellin atë në Kuvend me qëllim për ta ratifikuar, deputetët e NISMA për Kosovën do të marrin pjesë në seancë dhe do ta kundërshtojnë ratifikimin e kësaj marrëveshje.”

(Gazeta Blic)