Eko Higjiena

Nisin takimet bilaterale në Bruksel, Borrell u takua me Kurtin

/ 1 minutë lexim

Përfaqësuesi i BE-së për Politikë të Jashtme e Siguri, Josep Borrell, ka mbajtur sot në Bruksel fillimisht takim me kryeministrin e Kosovës, Albin Kurti.

Ndërsa tashmë është duke mbajtur takim me presidentin e Serbisë, Aleksandër Vuçiq, njofton BE-ja.

Pas takimit të kryediplomatit evropian me liderët e dy shteteve, pritet të nisë takimi trepalësh.

ARKATANA

Ndërkaq, përfaqësuesi i Lartë i Bashkimit Evropian për Politikë të Jashtme e Siguri, Josep Borrell, para takimit të kryeministrit të Kosovës, Albin Kurti e presidentit të Serbisë, Aleksandar Vuçiq në Bruksel, ka thënë se shpreson që pas këtij takimi të zbatohet Marrëveshja Bazë, për të cilën, Kosova e Serbia janë zotuar.

Në një konferencë për media, kryediplomati evropian tha se shpreson që sot të hidhen hapa përpara për zbatimin e kësaj marrëveshjeje.
“Zbatimi i kësaj marrëveshjeje duhet të fillojë, shpresoj që sot definitivisht të diskutojmë dhe të hedhim hapa përpara për zbatimin e kësaj marrëveshjeje. Ajo që është arritur duhet të zbatohet”, ka deklaruar Borrell.