Nisë mbarë mësimi në shkollat e Gjilanit

Gjilan – Bujar Nevzati drejtor i arsimit në Gjilan tha për rajonipress se mësimi në shkollat fillore dhe të mesme të Gjilanit ka nisur mbarë e mirë. Nevzati tha se nxënësit që sot pritet t`i marrin edhe tekstet shkollore derisa Gjilani starton edhe me tri shkolla të reja.

Në 26 shkolla fillore. 8 të mesme dhe katër ente parashkollore duke përfshirë 26500 nxënës dhe rreth 1824 arsimtar ka filluar mësimi të hënën normalisht dhe pa probleme të theksuara. Kështu tha për rajonipress Bujar Nevzati drejtor i arsimit në Gjilan.

Nevzati tha se mësimi ka nisur mbarë e mirë si tek shqiptarët ashtu edhe tek komuniteti serb, turq e romë. Nevzati tha se nxënësit qysh sot do të pajisen me tekste shkollore dhe në cilësinë e drejtorit të arsimit ju urojë një vit të mbarë e me shumë suksese.

Nevzati tha se DA i ka bërë të gjitha përgatitjet e duhura që mësimi të ecë normalisht. “Këtë vit madje po startojmë edhe me tri shkolla të reja. Janë tri shkolla moderne ajo e Bujqësisë, Gjimnazi i ri dhe “Don Bosko”.

Nevzati tha se prioritet i Qemajl Mustafës që nga marrja e mandatit ka qenë ngritja e nivelit dhe e cilësisë si në mësim ashtu edhe në infrastrukturë në të gjitha shkollat e Gjilanit./rajonipress/