Gjilan – Në Komunën e Gjilanit ka nisur sot dezinfektimi i të gjitha objekteve të vjetra të banimit kolektiv me qëllimin e krijimit të ambientit me higjienë të pastër, si masë preventive për parandalimin e koronavirusit Covid-19.
Nënkryetari Ismajli ka qenë në terren për të parë nga afër këtë fazën e dezinfektimit duke thënë se kjo po bëhet me kërkesën e banorëve pas vlerësimit të komisionit komunal.
“Qëllimi është që qytetarët të jenë të mbrojtur në objektet e banimit kolektiv e veçanërisht në ato që janë të vjetra. Ne jemi të vendosur së bashku edhe me të gjitha institucionet në nivelin lokal për parandalimin dhe mobilizimin e qytetarëve në luftën kundër Covid-19, deri në stabilizimin e plotë të gjendjes”, ka deklaruar Ismajli./rajonipress/
