Nis asfaltimi i rrugës Pograxhë – Llovcë

Gjilan – Kompania nga Gjilani “Zuka Comerce ” ka nisur asfaltimin e rrugës Pograxhë – Llovcë. Vlera e asfaltimit të kësaj rruge e gjatë 4.7 km arrin në 470 mijë euro. Banorët e Llovcës i janë gëzuar kësaj dite meqë sipas tyre ngjallen shpresat për të jetuar më të qetë dhe për të punuar tokat e mbetura.

Të dielën ka nisur asfaltimi i shtresës së parë në rrugën Pograxhë – Llovcë. E tërë makineria e kompanisë “Zuka Comerce” tashmë është drejtuar për ta përfunduar sa më shpejt shtresën e parë dhe më pas edhe shtresën finale.

Muhadin Zuka pronar i kompanisë tha për rajonipress se është i kënaqur me rrjedhën e punimeve.”Ne kemi planifikuar që në fund të korrikut kjo rrugë të jetë e përfunduar dhe sipas dinamikës së punimeve besojmë se edhe ashtu do të përfundohet”.

Banorët e Llovcës i janë gëzuar kësaj dite pasiqë ata shohin shpresa dhe optimizëm tek rruga e asfaltuar. Ibrahim Shabani mërgimtarë në Zvicër thotë se ka katër vite që e viziton vendlindjen dhe ka bërë disa investime në kopsht dhe shtëpi. “Kur po e shoh këtë rrugë të asfaltuar mua po më ngjallen shpresat se fshati do të gjallërohet me njerëz. Ne duhet t`i kthehemi punës e arave që kanë mbetur shkretë. Rruga jam i sigurt se do të jetë një shtytje për ato familje që kanë migruar në Gjilan e që tani kanë parakushte për të jetuar edhe në Llovcë” shprehet Shabani.

Edhe Behxhet Mehmeti mësues në këtë fshat tha se asfaltimi i rrugës është lajmi më i mirë në jetën e tij. “S`ka gëzim më të madh dhe vërtet nuk di si ta përshkruaj. Unë kam udhëtuar më parë edhe në këmbë deri në Pograxhë , por tani janë plotësuar kushtet që të jetojmë e punojmë më lehtë dhe më mirë” tha Mehmeti.

Ndryshe vlera e investimeve në rrugën e gjatë 4.7 km dhe e gjerë 5.5 metra arrin në 470 mijë euro. Kjo rrugë dhe ajo në fshatin Bilinicë dhe Kokaj janë prioritete të Qemajl Mustafës thotë Fadil Osmani menaxher në zyrën e projekteve.

Fshati Llovcë dikur (para luftës ) i ka pasur mbi 56 shtëpi të banueshme. Por kushtet e rënda të jetesës dhe rruga e dëmtuar ka detyruar shumë familje që të braktisin fshatin dhe të vendosen në qytet. Aktualisht Llovca i ka 27 shtëpi të banueshme.

Zyrtarët komunal shpresojnë që në fazën e dytë të vazhdohet edhe me asfaltimin e rrugës Llovcë – Ranatovc sikurse që janë paraprak edhe rrugët Pograxhë – Bilinicë dhe Pograxhë – Sllubicë. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).