Nikoqiri i derbit FC Drita bën të gjitha përgatitjet për zhvillimin e ndeshjes

Nikoqiri i derbit më të madh në futbollin e Kosovës, FC Drita, e cila zhvillon derbin e 31 ndaj rivalit lokal SC Gjilanit, tri ditë para zhvillimit të ndeshjes ka bërë të gjitha përgatitjet që ky derbi të zhvillohet më së miri.

Zv.drejtori i përgjithshëm e drejtori sportiv i FC Drita, Valon Zymberi, ka shpalosur të gjitha përgatitjet të cilat janë bërë.
“Edhe pse jemi në kohën e dimrit dhe pas disa reshjeve të dëborës e shiut stadiumi është plotësisht në gjendje të mirë, kemi shtuar intensitetin e punës në stadium si mbikëqyrjen e barit njashtu edhe rrethojat, pasiqë në stadium po punohet dhe ne të gjitha i kemi përgatitur siç është më së miri, pasiqë siç dihet është një interesim i madh për këtë derbi jo vetëm brenda shtetit të Kosovës por edhe jashtë saj”.

Zymberi ka bërë të ditur se përpos fitores tjetër rezultat për skuadrën e Dritës do të jetë dështim.
“Është mirë që derbi zhvillohet në këto momente për të parë potencialin që kemi në ndeshjet radhës, atmosfera në klub është mjaft e mirë dhe besojmë në rezultat pozitiv pasiqë ne kemi aspirata që të jemi lider të Superligës, për këto aspirata janë të vetëdijshëm edhe futbollistët
andaj presim fitore edhe pse në derbi asnjëherë nuk i dihet”.

Ndeshja zhvillohet të dielën, duke filluar në ora 13:00./rajonipress/