Nikoll Gjet Gjonaj, burri që sfidoi persekutimin dhe mbeti simbol i qëndresës shqiptare

Gjilan – Në kujtesën e miqve, familjarëve dhe bashkëkohësve, emri i Nikoll Gjet Gjonajt nga Fani vazhdon të jetojë si një figurë e burrërisë, mençurisë dhe dinjitetit njerëzor, një njeri që sfidoi kohën më të rëndë të persekutimeve komuniste dhe mbeti i pathyeshëm në shpirt.

Nikoll Gjet Gjonaj ishte nga ata burra që historia shqiptare i njeh si njerëz të qëndresës, të cilët u përballën me dhunën, përsekutimin dhe padrejtësitë e regjimeve të kohës, por kurrë nuk u përkulën.

Qysh në fëmijëri provoi plagët më të rënda të jetës, humbjen, internimet, djegien e shtëpisë dhe ndjekjen politike ndaj familjes së tij, vetëm pse bartnin mbiemrin dhe krenarinë e një dere atdhetare. Megjithatë, përkundër vuajtjeve dhe sakrificave të panumërta, Nikolla mbeti burrë fisnik, i urtë dhe i pathyeshëm në karakter.

Ai i bëri ballë kohës me dinjitet, duke ruajtur nderin, mikpritjen dhe shpirtin shqiptar deri në fund të jetës së tij. Figura e tij mbetet dëshmi e gjallë se regjimet mund të godasin trupin e njeriut, por nuk arrijnë ta thyejnë kurrë shpirtin e burrave të mëdhenj.

Në 90-vjetorin e lindjes së tij, djali Angjelin Gjonaj ka rikthyer kujtime të dhimbshme, por krenare për jetën e babait të tij, një jetë e shënuar nga sakrifica, humbja dhe përballja me represionin e egër të regjimit totalitar shqiptar.

Në përkujtim të 90-vjetorit të lindjes së babait të tij, Angjelin Gjonaj ka sjellë një rrëfim prekës për jetën dhe vuajtjet e Nikoll Gjet Gjonajt, figurë që mbeti simbol i qëndresës dhe dinjitetit njerëzor.

Ai kujton se Nikolla, qysh në moshën tetëvjeçare, u përball me tragjeditë e regjimit komunist, kur në vitin 1944 iu pushkatua axha Prenga në Shpal, ndërsa babai Gjeta u detyrua të arratisej. Një tjetër anëtar i familjes, ungji Zefi, kaloi plot 18 vite në burgje dhe internime. Përndjekjet ndaj familjes vazhduan edhe më tej, pasi në vitin 1946 iu dogj shtëpia vetëm pse konsideroheshin “nipat e Kapedanit”.

I rritur me sakrifica nga e ëma, Prena, bija e Karaqëve, Nikoll Gjet Gjonaj u formua si një burrë fisnik, mikpritës, i ditur dhe bujar, që gëzohej sa herë miqtë e vizitonin. Kujtimi për të mbetet i gjallë te familja, miqtë dhe të gjithë ata që e njohën nga afër.

Historia e familjes Gjonaj lidhet me një periudhë të errët të përndjekjeve politike. Në vitin 1944, kur Nikolla ishte vetëm tetë vjeç, partizanët pushkatuan në Shpal axhën e tij Prengën, ndërsa babai Gjeta u detyrua të arratisej. Një tjetër anëtar i familjes, Zefi, kaloi 18 vite në burgje dhe internime. Tragjedia nuk përfundoi me kaq. Në vitin 1946 familjes iu dogj edhe shtëpia, vetëm pse konsideroheshin “nipat e Kapedanit”.

Megjithatë, përkundër dhunës dhe goditjeve të vazhdueshme, Nikoll Gjet Gjonaj arriti të mbijetojë dhe të ndërtojë figurën e një burri fisnik, të respektuar e mikpritës. I rritur me sakrificë nga e ëma, Prena, bija e Karaqëve, ai mbeti gjatë gjithë jetës njeri i urtë, bujar dhe i dashur për njerëzit.

Mark Gjergji: Nikoll Gjet Gjonaj ishte model i burrërisë, mençurisë dhe fisnikërisë shqiptare

Pikërisht këto vlera i ka kujtuar edhe miku i tij, Mark Gjergji, i cili e përshkruan Nikollën si një burrë që i bënte nder jo vetëm familjes, por gjithë shoqërisë.

“E njoha nga afër mikun tim të çmuar Nikoll Gjeta. Ai ishte njeri me vlera të veçanta; i burrërisë, mençurisë dhe bujarisë. Njerëz të tillë janë modeli më i mirë i familjes dhe shoqërisë”, ka shkruar Gjergji.

Mark Ndue Biba: Nikoll Gjet Gjonaj ishte simbol i burrërisë dhe qëndresës ndaj regjimit komunist

Mark Ndue Biba ka kujtuar me emocione figurën e Nikoll Gjet Gjonajt, duke e cilësuar atë si një burrë të rrallë, të mençur, fisnik dhe bujar, që përjetoi padrejtësi e vuajtje të mëdha gjatë regjimit komunist.

Sipas Bibës, Nikolla jetoi për dekada nën frikën dhe presionin e vazhdueshëm të persekutimit, pasi regjimi i kohës kërkonte në çdo moment ta burgoste. Megjithatë, ai nuk u dorëzua kurrë dhe mbeti shembull i dinjitetit njerëzor dhe krenarisë familjare. “Ishte burrë me shumë vlera dhe trashëgimtarët e tij duhet të ndihen krenarë për një figurë të tillë”, ka shkruar Biba në mesazhin e tij përkujtimor.

Zef Bardhi: Nikoll Gjet Gjonaj mbetet simbol i lirisë dhe i qëndresës shqiptare

Zef Bardhi ka kujtuar me nderim figurën e Nikoll Gjet Gjonajt, duke e cilësuar atë si një ndër përfaqësuesit më të denjë të qëndresës shqiptare ndaj persekutimit komunist në Mirditë. Në mesazhin e tij emocional, Bardhi e përshkruan Nikollën si “njeriun e pamposhtun të lirisë” dhe demokratin që përballoi me dinjitet dhunën dhe ndjekjet e regjimit të kohës.

Ai ka theksuar se figura e Nikoll Gjet Gjonajt duhet të kujtohet me respekt nga brezat shqiptarë, si simbol i sakrificës, burrërisë dhe besimit në ditë më të mira për kombin shqiptar. “Dritë i baftë shpirti prej qiellës së paqes e të Zotit”, ka shkruar Bardhi në mesazhin e tij përkujtimor.

Figura e Nikoll Gjet Gjonajt mbetet dëshmi e një brezi shqiptarësh që përballuan përsekutimin, humbjet dhe padrejtësitë, por nuk u dorëzuan kurrë para kohës. Ai sot kujtohet si simbol i qëndresës, fisnikërisë dhe krenarisë shqiptare./rajonipress/