Ngritët aktakuza ndaj tre personave për dhënie të fajdesë

Gjilan – Prokuroria Themelore e Gjilanit ka ngritur aktakuzë kundër Abaz Ajetit, Besim Alishanit dhe Lavdrim Kastratit për veprën penale “Fajde”.

Sipas aktakuzës që e posedon Rajonipress i pandehur Abaz Ajeti duke e shfrytëzuar gjendjen e vështirë materiale të viktimës Ejup Ibrahimi nga Gjilani i ka dhënë para me fajde në fund të vitit 2007 në shumën prej 30 mijë eurove, e që brenda katër pesë muajve i dëmtuari ia ka kthyer 39. 200 euro në fund të vitit 2018, ia ka dhënë 40 mijë euro ku në fund të marrëveshjes i dëmtuari është dashur që t`ia kthen 52 mijë euro dhe në muajin qershor 2019 i ka dhënë 30 mijë euro, ku i dëmtuari ia ka kthyer 39 mijë e 200 euro, e që në total të dëmtuarit i ka dhënë 100 mijë euro dhe nga i njëjti i ka marrë 107 mijë e 900 euro, e që i bie që në emër të kontratës ka marrë shumën prej 7.900 euro dhe në vazhdimësi i ka bërë presion viktimës, duke i shkuar në shtëpi, duke i kërkuar edhe 64 mijë euro dhe me këto veprime të dëmtuarin, viktimën e ka sjellë në një gjendje të rëndë financiare dhe psikike – emocionale.

I akuzuari i dytë Besim Alishani duke e shfrytëzuar gjendjen e vështirë materiale të viktimës Ejup Ibrahimi, i ka dhënë para me fajde, ashtu që fillimisht në vitin 2018 ia ka dhënë shumën prej 25 mijë eurove dhe i dëmtuari ia ka kthyer 32 mijë euro e 500 dhe 500 euro shpenzime të udhëtimit, po ashtu në vitin 2019 i pandehuri ia ka dhënë të dëmtuarit edhe shumën prej 30 mijë euro, për t`ia kthyer 40.500 euro, me kamatë mujore 35%, i dëmtuari ia ka dhënë dy herë nga 12.500 euro e që në total të dëmtuarit i ka dhënë 55 mijë euro dhe nga i njëjti i ka marrë 57.500 euro, në emër të kamatës ka marrë shumën prej 2.500 euro ndërsa në ditën e arrestimit i ka kërkuar 45 mijë euro ku me aplikimin e masave të fshehta, simulimi i veprës penale pasi që i merr 5000 euro nga djali i të dëmtuarit Rrezag Ibrahimi i pandehuri arrestohet dhe nga i njëjti sekuestrohen 5000 euro.

Edhe i akuzuari i tretë Lavdrim Kastrati duke e shfrytëzuar gjendjen e vërtetë materiale të dëmtuarit Ejup Ibrahimi i ka dhënë para me fajde në shumën prej 20 mijë eurove dhe i dëmtuari ia ka kthyer 26 mijë euro, lartësia e fajdes 35%, edhe më datën 20 prill 2019 i pandehuri Lavdrim Kastrati të dëmtuarit Ejup Ibrahimi i ka dhënë para me fajde në shumën prej 25 mijë eurove, në mënyrë që t`i kthehet shuma prej 32.500 euro në periudhën kohore prej gjashtë muajve dhe i dëmtuari ia kishte paguar në këste shumën prej 28 mijë euro dhe më datën 17 maj 2019, i pandehuri dhe i dëmtuari kishin lidhur një kontratë për hua – marrje, ku për shumën prej 30 mijë euro të pandehurit Lavdrim Kastrati t`i kthehet për katër muaj shuma prej 39 mijë euro me interes – kamatë prej 30% dhe në total i pandehuri Lavdrim i ka dhënë 75 mijë euro ndërsa nga i dëmtuari Ejup Ibrahimi i ka marrë 54 mijë euro, e që i bie që nga borxhi bazë i dëmtuari Ejup Ibrahimi i obligohet të pandehurit Lavdrim shumën prej 20 mijë e 760 euro thuhet në aktakuzën e Prokurorisë së Gjilanit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).