Ngritet aktakuza ndaj “Grupit të Drenicës”

Prokurori i EULEX-it, Maurizio Salustro, ka ngritur aktakuzë kundër ish-komandantit të Shtabit të Përgjithshëm të UÇK-së, Sylejman Selimit, dhe ish-bashkëluftëtarëve të tij të tjerë, të njohur si “Grupi i Drenicës”.

Lajmin për KTV-në e ka konfirmuar, Artan Çerkini. Të dyshuarit e “Grupit të Drenicës” akuzohen për krime lufte kundër popullatës civile që supozohet se kanë ndodhur në burgun e Likovcit gjatë verës 1998.

Po ashtu, dyshohen edhe për vepra të torturës dhe vrasjes së civilëve. Në Aktakuzë, siç mësohet, akuzohen për vrasje Sami Lushtaku, Sabit Geci dhe Sahit Jashari. Të tjerët ndërkaq, akuzohen për vepra të torturës.