Ngrihet kallëzim penal ndaj ish-Avokatit të Popullit, Sami Kurteshi
RajoniPress
07:31, 29 Korrik, 2015
Policia Hetimore për Krime Ekonomike ka dorëzuar të martën në Prokurorinë Themelore të Prishtinës një kallëzim penal kundër ish-Avokatit të Popullit, Sami Kurteshi, dhe dy zyrtarëve të tjerë në këtë institucion.
Kurteshi, bashkë me drejtorin e Administratës, Jashar Kastrati dhe zyrtarin e Prokurimit, Gëzim Latifi, në bazë të informatave që ka siguruar “Koha Ditore” dyshohen për tri vepra penale: keqpërdorim të detyrës zyrtare, ushtrim ndikimi dhe pengim të të provuarit.
Vepra e tretë i ngarkohet vetëm Kurteshit, i cili dyshohet se ka penguar hetuesinë gjatë hetimeve. Pranimi i këtij kallëzimi penal është konfirmuar nga zyrtarë të prokurorisë, mirëpo ata nuk kanë dhënë më shumë detaje.
http://koha.net/?id=27&l=68349
