“Ngjyra e kuqe” së shpejti me pjesën e dytë

Këngëtari i njohur shkupjan Adrian Gaxha pas suksesit të madh që shijoi me këngën ‘Ngjyra e kuqe’ në bashkëpunim me Florijanin e vogël, nuk ka të ndalur.

Burime të gazetës Tribuna bëjnë me dije se Adriani dhe Floriani tashmë kanë filluar xhirimet e videoklipit për pjesën e dytë të këngës ‘hit’. Xhirimet e videoklipit janë duke u bërë në Batllavë, ndërsa sipas të njëjtit burim ky videoklip do të vijë tek publiku me një ngjarje interesante.

“Klipi ka filluar të xhirohet. Ka ngjarje interesante. Vajza e klipit e cila quhet Maria do të aktrojë përsëri të dashurën e Adrianit. Do të zhvillohet një ngjarje kinse familja e vajzës nuk e duan Adrianin për dhëndër. Adriani në një skenë do të jetë i lidhur për një peme.

Më pas në ditën e dasmës të së ‘dashurës’ së Adrianit, Floriani i vogël e liron Adrianin për të mundur të arrijë tek vajza që e do. Kjo është pak a shumë historia brenda klipit.”, ka bërë të ditur burimi.

Gazeta Tribuna ka provuar të kontaktojë me Adrianin për të marrë vesh diçka më shumë rreth këngës e klipit por ka qenë e pamundur pasi që këngëtari nuk është lajmëruar në telefon. Pavarësisht kësaj ne i urojmë sukses Adrianit dhe Florianit në xhirime.(tribuna)

Shpërndaje.
© RAJONIPRESS