Nga prodhimi vendor as ‘buka e gojës’

Kriza ekonomike po thellohet çdo ditë në Kosovë. Statistikat e tregtisë po tregojnë se kosovaret s’po mund ta sigurojnë vetë as bukën e gojës. Por, krejt produktet ushqimore po importohen nga vende të ndryshme evropiane. E, importi i tyre po e rendon edhe më shumë deficitin tregtar.

Siç ka treguar Agjencia e Statistikave të Kosovës, deficiti tregtar në muajin qershor të këtij viti ka shkuar në 200 milionë euro, derisa në muajin janar ishte afro 180 milionë. Importi i mallrave në muajin janar ishte 139 milionë euro, kurse në qershor ai ka shkuar në 222 milionë e 408 mijë euro, përderisa eksporti ka shifra dhjetëfish më të ulëta.

Por, për gjendjen e krijuar duket se është gjetur fajtori, kështu të paktën vlerësojnë ekspertët e ekonomisë. Ata thonë se barrën për ketë gjendje e ka vetë Qeveria e Kosovës. Siç thonë ata, institucionet s’po krijojnë kushte për ta rritur prodhimtarinë vendore.(Tribuna)