Fidanishtja

Nga një muaj paraburgim të arrestuarve të rastit të Dobrosinit

/ 1 minutë lexim

Gjilan – Një gjykatës i EULEX-it i procedurës paraprake në Gjykatën e Qarkut në Gjilan, ka caktuar nga një muaj paraburgim për tre individët e arrestuar një ditë më parë.

Në njoftimin e EULEX-it thuhet se të tre personat u arrestuan gjatë një operacioni të përbashkët të EULEX-it dhe Policisë së Kosovës, dhe dyshohet të jenë pjesëtarë të një organizate terroriste, e cila e ka marrë përgjegjësinë për tri sulme mbi Policinë e Serbisë në Dobrosin, afër Pikë-kalimit 5 – Dheu i Bardhë.

RCCOLA

Dy persona dyshohet se kanë marrë pjesë në sulmin e fundit që ka ndodhur më 7 tetor 2012.

Rasti është duke u ndjekur nga një prokuror i EULEX-it nga Prokuroria Speciale e Kosovës (PSRK). /rajonipress/