Nga fronti i luftës në shërbim të qytetarëve – Dr. Vjollca Kadolli Halili synon ta sjellë përvojën, profesionalizmin dhe integritetin në Kuvendin e Kosovës

Viti – Në garën për zgjedhjet parlamentare të 7 qershorit, një nga emrat që po tërheq vëmendje në komunën e Vitisë është ai i Vjollca Kadolli Halili, veterane e luftës, mjeke specialiste e Mjekësisë Familjare dhe menaxhere shumëvjeçare e sektorit shëndetësor, e cila kandidon për deputete nga radhët e Lidhja Demokratike e Kosovës me numrin 36.

Me një karrierë të ndërtuar mbi shërbimin publik, përkushtimin profesional dhe angazhimin politik, Dr. Kadolli Halili konsiderohet nga mbështetësit e saj si një profil që bashkon përvojën institucionale, ndjeshmërinë qytetare dhe vizionin për zhvillimin e vendit. E lindur në Suharekë dhe e angazhuar prej vitesh në Viti, ajo ka ndërtuar reputacion si një profesioniste e respektuar në fushën e shëndetësisë dhe një zë aktiv në jetën publike.

Gjatë karrierës së saj, Kadolli Halili ka ushtruar funksionin e drejtoreshës së QKMF-së në Viti për dy mandate, ka qenë anëtare e Bordit të Shërbimi Spitalor dhe Klinik Universitar i Kosovës, këshilltare komunale në disa mandate, si dhe pjesë e strukturave drejtuese të LDK-së në nivel lokal dhe qendror.

Mbështetësit e saj vlerësojnë se përvoja në menaxhimin e institucioneve shëndetësore, njohja e nevojave të qytetarëve dhe angazhimi i vazhdueshëm në komunitet e bëjnë atë një prej kandidateve më të përgatitura për përfaqësim në Kuvendin e Kosovës.

Në paraqitjet e saj publike, Dr. Kadolli Halili ka theksuar se synon të jetë një zë i fuqishëm për qytetarët, gratë, profesionistët dhe sektorin e shëndetësisë, duke promovuar politika që forcojnë institucionet, rrisin transparencën dhe përmirësojnë cilësinë e jetës së qytetarëve.

“Do të angazhohem për përfaqësim të denjë të grave në shoqëri, zhvillim demokratik, forcim të institucioneve të Kosovës, transparencë dhe llogaridhënie, duke sjellë zërin e qytetarëve në Parlament. Do të jem gjithmonë në shërbim të qytetarëve dhe të vendit, për të mirën e përgjithshme”, është shprehur ajo.

Përkrahësit e saj theksojnë se rrugëtimi i Dr. Vjollca Kadolli Halilit – nga kontributi gjatë periudhave më të vështira të vendit, te puna e palodhshme në shëndetësi dhe angazhimi në jetën publike – përfaqëson modelin e një lidereje që ndërton besim përmes punës, profesionalizmit dhe afërsisë me qytetarët.

Me kandidaturën e saj, ajo synon të sjellë në institucionet qendrore përvojën e fituar ndër vite në shërbim të komunitetit, duke e kthyer atë në politika konkrete për zhvillimin e Vitisë dhe të gjithë Kosovës./rajonipress/