Nga 25 qershori Gjermania lejon aplikimin e vizave për kosovarët, këto janë kushtet që kërkohen

Kështu ka njoftuar ambasada Gjermane në Prishtinë, transmeton Telegrafi.

“Personat e vaksinuar plotësisht mund të kthehen në Gjermani për vizita, udhëtime biznesi dhe qëllime turistike nga 2 javë pas vaksinimit të fundit, me kusht që të mund të udhëtojnë përmes informacionit të nevojshëm, kërkohet një vizë e vlefshme”, njofton ambasada.

Gjithashtu, në njoftim thuhet se “ të vaksinuarit plotësisht duhet të bëjnë takime për vizat Shengen në ambasadën në Prishtinë nga fillimi i korrikut”.

“Dokumentet në lidhje me statusin e vaksinimit duhet të dorëzohen kur dorëzoni aplikacionet. Kërkohet një provë e vaksinimit të plotë me një vaksinë të miratuar në Gjermani, e cila zgjatë të paktën 14 ditë”, bën të ditur ambasada gjermane.

Ndryshe, për më shumë së një vit, qytetarët e Kosovës nuk kanë mundur të aplikojnë për viza turistike, përveç rasteve urgjente.

Ndërkaq, lehtësim të masave antiCOVID ka ndërmarrë tash e një kohë Qeveria e Kosovës dhe ajo e Gjermanisë. /Telegrafi/

Shpërndaje.
© RAJONIPRESS