Nexhmedin Arifi takon kryetarët e nëndegëve të PDK-së

Gjilan – Në takimin që ka pasur me kryetarët e nëndegëve të PDK-së kandidati për kryetar komune në Viti Nexhmedin Arifi ka marrë mbështetje të fuqishme derisa vet Arifi ka dhënë mesazh për të konsoliduar PDK.

Në takimin e së dielës që ka pasur kandidati për Kryetar i Komunës nga radhët e kësaj partie, e ku ishin të pranishëm edhe kryetarët e të gjitha nëndegëve të PDK-së në Viti, ju dha mbështetje e fuqishme Nexhmedin Arifi raporton rajonipress.

Në këtë takim të gjithë kryetarët e shprehën gëzimin e tyre dhe të anëtarësisë së gjerë lidhur me kandidaturën e tij duke uruar që ky nominim t`i sjellë fitoren e radhës kësaj dege thuhet në njoftimin e dërguar nga shtabi i zotit Arifi.

Në këtë takim gjithashtu është diskutuar edhe për shumë çështje organizative në lidhje me mbarëvajtjen e fushatës zgjedhore ku kryetarët e të gjitha nëndegëve u zotuan se do ta përkrahin fuqishëm kandidatin e tyre.

Kandidati për Kryetar të Komunës nga PDK, Arifi dha një mesazh të fuqishëm për mobilizimin strukturimin dhe konsolidimin e të gjitha strukturave të Degës së PDK-së pa përjashtim drejt fitores së radhës së kësaj partie në zgjedhjet e 3 nëntorit thuhet në njoftimin e nënshkruar nga kryetarët e nëndegëve dhe vet Nexhmedin Arifi. /rajonipress/