Gjilan – Ju faleminderit që këto ditë kudo më keni pritur e trajtuar si pjesë tuajën. Natyrshëm më keni mbushur me besim dhe vullnet që edhe më fuqishëm të jem zëri juaj ka shkruar në mesazhin e tij Bujar Nevzati.

Postimi i plotë:

Miq, qytetarë të Gjilanit, anëtarë të PDK-s!
Falënderim e mirënjohje që si gjithmonë edhe këto ditë ju hapët zemrat e shprehët besimin tuaj për mua në gjithë këto vite që rrugëtuam bashkë.

Mirënjohës e falënderues përjetësisht që ju ende, me plot besim, qëndroni me mua në përballjet me sfidat e reja e të vjetra.

I lumtur që kudo gjeta mbështetjen tuaj përsëri, gjeta po atë raport që kemi krijuar kaherë. Sigurisht krenar se ju ma vërtetuat që kam qëndruar krah jush gjithë këto vite e dekada në gëzime e sfida.

Krenar e i lumtur që jeni miqtë e mi, njerëzit me të cilët kemi ndarë gjithë përpjekjet tona për barazi e drejtësi.

Të dielën, në kutinë tuaj ju nuk do të hidhni thjesht një letër, por besimin tuaj. Në kutinë e votimit ju do të vëni synimin për jetë më të mirë, për Gjilanin, lagjen e fshatin më të mirë; ju do të hidhni në kuti vullnetin e dëshirat tuaja.

Pres të jem zgjedhja juaj e besuar; pres të vazhdojmë rrugëtimin bashkë si edhe deri më tani; pres votën tuaj natyrshëm, sepse na lidh besimi e vizioni i përbashkët.

Ju faleminderit që këto ditë kudo më keni pritur e trajtuar si pjesë tuajën. Natyrshëm më keni mbushur me besim dhe vullnet që edhe më fuqishëm të jem zëri juaj.

Zoti ju ruajt ju e familjet tuaja.

Ju faleminderit!

RiadRashiti191

BujarNevzati2