Nevzati: Lutfi Haziri e ka kthyer në vitin 2007 gjendjen në arsim

Gjilan – Bujar Nevzati në një konferencë për media ka akuzuar Lutfi Hazirin se me ndërhyrjet e tij të drejtpërdrejta duke u përzier në çështjet e konkursit dhe duke mos bërë shpalljen e listës së arsimtarëve që kanë kaluar testin e që lista është konfirmuar edhe nga Nazmi Musa po tregon se arsimi është kthyer në vitin 2007 kur në pushtet ishte LDK-ja e bënte marrëzi të panumërta me caktimin e mësuesve nëpër shkolla.

Bujar Nevzati këshilltar i PDK-së në një konferencë për media ka folur për konkursin e fundit të shpallur nga drejtoria e arsimit për 50 vende të lira e ku janë kryer të gjitha procedurat dhe është verifikuar edhe lista, por me ndërhyrjen e tij është stopuar publikimi i saj.

Nevzati tha se Haziri ka bërë dy shkelje serioze. “E para e ka fshehur konkursin dhe e dyta vet e ka bllokuar listën për ta bërë publike. Haziri vet e ka emëruar komisionin dhe nga ana e Nazmi Musës i është konfirmuar lista prej 50 vetave, por ai sërish e ka stopuar atë. Kemi informata nga tereni se kanë shkuar nga dy arsimtar në punë. I bëjmë apel Hazirit që ta bëjë publike listën për të mos ndërmarr hapa tjerë radikal”.

Nevzati tha se me këto ndërhyrje Haziri e ka bërë rrëmujë gjendjen në arsim, pothuajse i njëjtë me vitin 2007 kur kishin hasmëri mes vete Xhemajl Hyseni e Lutfi Haziri.

Gjithashtu Haziri në të njëjtën kohë thotë se drejtorët kanë kompetenca e në anën tjetër ua merr këto kompetenca dhe ua bllokon proceset. “Në këtë rast Nazmi Musa nuk ka asnjë pikë të fajit” tha Nevzati./rajonipress/