Nevzati: James Rubin për mrekulli tregoi rrëfimin e drejtë të luftës së UÇK-së
RajoniPress
18:23, 15 Shtator, 2025
| 8 muaj më parë
Gjilan – Sot James Rubin për mrekulli tregoi rrëfimin e drejtë të luftës së UÇK-së. Në rrethanat kur PDK është goditur rëndë pa dy liderët e saj, z. Thaçi e z. Veseli që këto ditë po e zhvillojnë betejën e fundit në mbrojtje të të shenjtës UÇK dhe produktit të saj Lirisë e Pavarësisë së Kosovës tonë, ne nën drejtimin e z. Memli Krasniqi e me zotin Riad Rashiti në udhëheqje të Gjilanit, duam të qëndrojmë fuqishëm në rrugën e zhvillimit të vendit tonë, të komunës tonë; në rrugën ku liria, drejtësia, barazia, mirëqenia e zhvillimi bëhen kahje të domosdoshme të ecjes përpara ka shkruar Bujar Nevzati.
Postimi i plotë:
Të nderuar miq!
Anëtarë të PDK-së!
Qytetarë të Komunës së Gjilanit!
Kam qenë i privilegjuar që gjithë këto vite të kem mbështetjen e bashkëpunimin tuaj në gjithë angazhimin tim politik, si asambleist, si shef i grupit të asamblistëve, Kryesues i Kuvendit në Gjilan e drejtor në Drejtorinë e Arsimit.
Kam qenë e kam mbetur ky që jam vetëm për faktin se e kam pasur ndihmën tuaj kurdo.
Ju më keni bërë ky që jam gjithë këto vite; ma keni mundësuar që të qëndroj vertikalisht, të jem kurdo në anën e të drejtës e interesit qytetar e nacional.
Më shumë se 25 vjet më parë unë uniformën e UÇK-së e zëvendësova me një luftë tjetër – atë për ndërtim, zhvillim e rritë të lirisë tonë; me përpjekjen për pavarësinë e zhvillimin e atdheut tonë-shtetit tonë.
Kurdo dola ballëhapur para jush sepse ishim të sinqertë në përballjet tona, ishim të ndershëm dhe i kuptonim sfidat e u gëzoheshim sukseseve. Ishim bashkë në gjithë këtë rrugëtim timin politik dhe unë jam shumë i lumtur për besimin tuaj.
Për zgjedhjet e 12 tetorit unë edhe një herë jam në garë, sepse PDK në këtë kohë që po kalon ka nevojë për zërin, qëndrimin e edhe për angazhimin tim.
Të nderuar miq!
Ju tashmë e dini angazhimin e përkushtimin tim, prandaj i lumtur për raportin e ndërtuar e ruajtur gjithë këtë kohë, kërkoj me shumë respekt mbështetjen tuaj.
Në shpirt kam mbetur idealist i pa përmirësuar e në veprime kam provuar të ndihmojë kudo që është kërkuar ndihma ime.
Ju faleminderit për gjithë rrugën që e kemi bërë bashkë; ju faleminderit për besimin, bashkëpunimin e sinqertë e miqësor.
Unë do të mbetem i juaji; ai Bujar që e njihni.
Zoti ju ruajt ju e familjet tuaja!
Ju faleminderit.
