Nevzati: Ja çfarë thashë në KPF

Gjilan – Bujar Nevzati thotë se në takimin e KPF-së ka thënë diçka krejt tjetër, derisa nga komunikata e komunës ka dalur diçka krejt tjetër, dhe kjo nuk është hera e parë që më cungohet ose shtrembërohet fjala ime, andaj më duhet të japi një sqarim plotësues. “Në lidhje me propozimin për emërtimin e QKMF-së me emrin e dr Nagip Rexhepit unë në takim kam thënë se personalisht nuk jam kundër emërtimit të QKMF-së me emrin e Nagip Rexhepit, por jam kundër formës që e keni bërë. Pse është kjo nguti, pse vetëm ky propozim, pse nuk kanë ardhë edhe emra tjerë të respektuar që kanë kontribuar në QKM siç janë Nazmi Veseli, Zeqirja Sahiti e shumë emra tjerë të respektuar që kanë kontribuar në ngritjen e kapaciteteve të QKMF-së”.

Nevzati thotë se Nagip Rexhepi është njeri i respektuar e profesionalist i shquar dhe për këtë atij do t`i bëhej nder më i madh sikur t`i lihej emri i spitalit regjional, pasiqë ai edhe me profesion ka qenë gjinekolog. “Mirëpo Lutfi Hazirit po i ngutej me rehabilitua veten me kundërshtarët e vet politik brenda subjektit të tij dhe për t`i joshur ata, dikë me ndonjë emërtim ambulante, dikend të një institucioni tjetër, dikend me ndonjë punësim e dikë me ndonjë tender. Prandaj edhe për këtë arsye kam thënë se ky emërtim si dhe emërtimet tjera që janë duke u propozuar nga një komision tjetër janë tërësisht politike, se ky ndryshe as s`di e as s`ka fuqie as vullnet me i bo. Kërkoj që kjo traditë e keqe e institucioneve të ndërpritet njëherë e përgjithmonë” tha Nevzati./rajonipress/