Gjilan – Veton Nevzati ka thënë se dhuna e ushtruar ndaj basketbollistëve gjilanas para hyrjes në palestër dhe presioni i bërë gjatë gjithë zhvillimit të ndeshjes është i papranueshëm dhe patjetër duhet të vendoset nën “llupën” e Federatës së Basketbollit të Kosovës.
Drejtoria për Rini, Kulturë dhe Sport e Komunës së Gjilanit dënon dhunën e ushtruar në Vushtrri mbrëmë ndaj lojtarëve të Klubit të Basketbollit “Drita” nga Gjilani me rastin e zhvillimit të ndeshjes kampionale të basketbollit në BKT Superligen e Kosovës ndërmjet KB “Kosova” Vushtrri dhe KB “Drita” Gjilan.
Në reagimin e drejtorit të kulturës, rinisë dhe sportit Veton Nevzati thuhet se dhuna e ushtruar ndaj basketbollistëve gjilanas para hyrjes në palestër dhe presioni i bërë gjatë gjithë zhvillimit të ndeshjes është i papranueshëm dhe patjetër duhet të vendoset nën “llupën” e Federatës së Basketbollit të Kosovës.
“I bëjmë thirrje Federatës së Basketbollit të Kosovës që të marre masa për vendosjen e rendit dhe kushteve normale për zhvillimin e ndeshjeve si dhe të ndëshkohen autorët e këtyre sjelljeve të cilat po i krijojnë imazh të shëmtuar sportit kosovarë” thuhet në reagimin e Nevzatit./rajonipress/
