Nevzadi takon të rinjtë e AAK-së në Gjilan

Gjilan – Drejtori për Kulturë Rini dhe Sport, Veton Nevzadi, ka pritur në një takim të rinjtë e Aleancës për Ardhmërinë e Kosovës dega në Gjilan, të cilët i ka informuar rreth aktiviteteve që i organizon dhe i mbikëqyr kjo drejtori.

Veton Nevzadi ka falënderuar të rinjtë e AAK-së për vizitën që sot i kanë bërë DKRS-së, duke i informuar ata me kompetencat, menaxhimin, detyrat, vizionin dhe nevojat e kësaj drejtorie në përgjithësi.

Ai ka potencuar me theks të veçan bashkëpunimin me klubet sportive, ansamblet, aktorët e teatrit, të rinjtë në përgjithësi, OJQ-të, me të cilët subjekte kjo drejtori pikë prek gjatë ushtrimit të detyrës së saj.

Edhe sa i përket investimeve Nevzadi ka përmendur para tyre investimin në stadiumin e qytetit, palestrën sportive, infrastrukturën ligjore, përgatitjeve të strategjive të ndryshme për rininë, vullnetarizmin etj., të cilat janë mese të domosdoshme për zhvillimin e mëtutjeshme të kulturës rinisë dhe sportit.

Nevzadi i ka informuar përfaqësuesit e rinisë nga AAK edhe për investimin tjetër të shumëpritur që do të ndodhë me përcaktimin e Ministrisë së Kulturës e cila ka konfirmuar ndërtimin e një qendre kulturore për të cilën investim komuna i ka hapur të gjitha rrugët ligjore.

Ndërsa interesimet e të rinjve nga AAK ishin kryesisht për buxhetin që ka kjo drejtori, bashkëpunimin me organizatat tjera, informimin për strategji, vizionin për të ardhmen etj. interesime të cilat u zhvilluan në formë të bashkëbisedimit./rajonipress/